Scho lang lang ischs her, wo dä Simon und ich das Usflügli planät händ... Mir sind äs Gspändli vo Ihm det go bsuächä, wo gschäftlich für 5 Mönät in London wiilt.
Da s eher unter Bsuäch gangä isch, händ mir au kä grossi Plän gha währed eusäm Ufenthalt. Churz nach eusärä Ahkunft hämmer dänn diä gschmidäd bimänä Biärli und natürli imänä rauchfreiä Lokal *wi ahgnehm, kä stinkigi Chläider därnah*!!!
Vom Portobello Market simmer dur dä Hyde Park gschländerät und dänn no is Tate Modern eus künschtlärisch und kulinarisch go wiiterbildä :-)
Als Überraschig (zu mim Gebi) simmer am Abig no s Musical 'Billy Elliott' go luägä. Fascht ein muss, z London ...
Ja, dänn wer scho bald Sunnitg gsi, womir mitämä super turbo Böötli id Stadt gflitzt sind. Nach dem mär chli am Ufer vo dä Themse gspatzotlät sind, über d Tower Bridge und London Tower, isch s dänn scho bald widr mitäm turbo Böötli zrug is Canary Wharf gangä, wo mir eusi Köfferli packt händ und widr id Schwiiz gflogä sind...
äs churzäs und intensivs Reisli, drum no äs paar Iidrück:
Abonnieren
Kommentare zum Post (Atom)
Keine Kommentare:
Kommentar veröffentlichen