Paris

wänn d Corina alias Menzli scho z Paris studiärt, hani dänkt i gang si doch mal über äs weekend go bsüächlä...
am Samschtig hämmer dänn än riisigä spatzottelgang quer dur Paris gmacht: Jardin de Luxembourg, Quartier Latin, Notre Dame, Marais, Louvre, und wos am iidunklä gsi isch simmer dän au mal no mi Eiffelturm ahcho. Da am erschtä Sunntig villi Sehenswürdigkeite gratis sind, hämmer dänn entschidä, dass mär Versaille gönd go ahluägä. Nachdemär erscht am iigang erfahrä händ, dass nur ein chliinä Teil (dä langwiiligscht womär am längstä hät müsä ahstah) mit dem gmeint gsi isch, hämmer eus zerscht mal ufä Park-erkundigs-tour gmacht. Naja, womer würkli voll am andärä ändi ahcho sind, häts ahfangä stürmä und si händ d hüüser gschlossä. Klitschnass und vom winderverweht hämmer eus dänn widr richtig Zimmerli vodä Corina gmacht zum Hose über dä Ofehänke, Schuä mit Ziitigä stopfä und eus unter d Duschi gstellt zum uuftauä...so chas gah, aber immerhin: mir sind det gsi ;-)
am Mäntig hani mi dänn älläi uf d Sockä gmacht richtig Montmartre und dänn zum Sacre Coeur ufägstigä...därnah häts no än churzä watschel durs Marais geh und dänn hanni au scho widr müssä s Zügli schnappä... so no äs paar Impressionä:

Fête finale - Lausanne

äs paar Impressione zu dä Abschlussparty vo mim Schwöschterli Ihrär Schuäl...

Wiän - au scho widr äs wiili her :)

Ganz ganz spontan hani d Iiladig vo ÖW übercho zum ad Access 07 uf Wien mit zgah...

Soo isch s dänn am Friitig morgä sehr früä uf dä Flughafe gangä, wo sich di erschti Gruppä vo dä Schwiizer-Delegation värsammlät hät. Nachämä letschtä Käffeli isch dänn eusäs Flugi au scho bald los und chum simmer gstartet, hämmer scho widr zum Landeahflug ahgsetzt... Eusä Transfer zu eusäm bescheidänä Hotel isch scho bereit gstandä und hät eus grad no unterwägs ä chlini Stadtrundfahrt uf dä Ringstrass botä. Da än iidruck vo mim bescheidnä Zimmerli:

mis Stübli mit Sofas, Pültli, TV, Teechocher ...

und no mis Bettli (Kingsize ;-P)

Mini 2 Badzimmerli und Balkon mit hüpscher Ussicht lahni a derä Stell mal weg, sus chemt no öpper ufd Idee i heg inärä Suitä gwonnt *lol*

Aber eigäntli bini jo det anä zum Wiän kännä lehrä. Am Nami isch s dänn losgangä mitärä fettä site inspection in Vienna DC mit diversä Event locations und nigelnagel neue Hotels. Naja, isch chli Gschmacksach, aber mal ä Nacht ufämä Bett wo adä Decki ufghängkt isch und schauklät oder eis wo sich trüllt wi idä Film... wer au mal äs Abentüür! ;o)

so vill zu dä Iirichtig... Gschmackssach ebä!

Apropos... da hanni no äs paar meh Biispiel:

Presidental Suit im Hotel Imperial...
(Det chunnt di berüämt Imperial Torte her)

...und de flotti Ruum findmär idä Albertina
(au ä Event location und Museum ;-))

So, aber i han natürli nochli meh gseh als nur Hotels... Nach nomal öppä 3 Füärigä über d Ringstrass, hämmer dänn au mal no z Fuäss di ganzi Gschicht erkundet... am beschtä äs paar Impressionä. Bilder sägäd jo bekantlich meh wi Wort...

än Park vo villnä...

spanische Hofreitschule

Fuässgangärzonä

Das wer jez mini Ussicht gsi... :-)

äs Chiläli
(Jesuiten Kirche, isch gstandä - rächt pompösi Sach gsi!)

uund das ist SISSI ;-)
(hangt im Hotel Imperial, also s Bild natürli nöd sii!)

s Käiser-Gütschli

alli düütschsprächändä (D & CH)

uuuund das isch di absoluti hammer mässigi Access nicht gsi im Palais Ferstel!!!
Nachämä dickä Znacht ässä mit Apéro, Bühnädarbütige, Buffet, Dessert mit Piano begleitig isch därna a mega Party stigä idä Lobby... bis tüüüf id Nacht...

Tja, das wers scho gsi vo Wiän... isch also würkli sehr empfehlänswert zum gah, diä Stadt rockt!

Fotis vo dä Party

Jetz ischs au scho widr ä Wuchä her, wo ihr mi sind go bsüächlä cho und mir mitänand nochli gfäschtät händ... Has uh schön gfundä, dass so vill cho sind und han mi über eui Gschänkli, feine Dessert, Salat, Zuästüpf, nette Wort, Kreativität und eifach s gmüetlichä Beisammensein sehr gfreut! Jetz no äs paar Fötelis vo eu und no äs paar vos entweder nöd gschafft händ oder sich immer voräm Fotograf versteckt händ ;)So und zum schluss no äs paar Impressionä usäm Tessin, woni ahfangs Wuchä no mit dä Katrin d Wärmi bin go gnüssä =)...no dä Arthos in Action =)

Fajita ässä mit Michis

än chliinä Nachtrag...
äs isch jo doch scho meh als zwei Wuche her, aber äs wäri jo jammer schad wämmer eusä gmüetlich Abig eifach wür värgässä!

äs hät geh: gaaaaanz mega feini Fajita à la Michis

Mir händ innert chürzischter Ziit alläs gschnätzlet, brutzlät und au öppä im gliichä Tämpo no alläs gässä =) *yamie*

Cooks
chliises M. Fleisch & alläs wo bruzzlät
miittlrs M. weichs Material schnätzlä & Paparazzi
grosses M. härts Material schnätzlä & alläs wo idä Augä brännt

Guest
chliises, miittlrs & grosses Michi

...än Guätä!

s' Trudi Gerster