Lenzerheide Dez. 07

Scho widr äs wiili her sit mim letschtä Iitrag, däfür hani jez enorm vill zbrichtä ;-) äs folgäd somit grad äs paar Iitrag nachänand... I minä Wiähnchtsferiä hani no äs Bsüächli übercho vom Nick us Australiä. Nach dem mir Züri chli unsicher gmacht händ, simmer dän no für 3 Täg d Christa idä Länzi go bsüächlä. Das hät für dä Nick bedüütät: s erscht mal Schnee gseh und uf äs Snowboard stah! Wärend dem heiklä unterfangä hät er sälbstvärständli zwei kompetänti Lehrerinnä dabii gha :o)

auso, das weräd dänn diä zwöi =)

d Christa am Vorfahrä *sehr schön* :-P

Ich bim mentalä Support ufäm Ponny-Lift :-)

Iifüerigs bla bla...

au s Rutschä mus güebt sii...

Kurväträning by Christa!

geniali Pischtä- & Wättervärhältnis...

uuund grad nomal *nice*

Mittagspause mit Pommes

da hät öpper chalt... däbi ischs doch perfäkts après-ski wätter?!

Namittags Ufwärme by regu *Seehund* :-)

da isch no steigerigs Potential ;-)

s värdiäntä Fondue därnah

ein Prosit uf dä hütig Tag

und zum Schluss wird sogar no d Grossmuätär värspisä :-)

Tja, d Schlussbilanz nach denä 3 Täg: er hät sich also super gschlage, mir sind scho sämtlichi Pischtä abä mit ihm und er hät immer flissig gkürvlät, gstürzt und nomal probiärt. Am letschtä Tag händ mir sogar fascht kä ziit meh gfundä zum uf dä Pischtä anäz'hocklä und usfüerlich z'quatschä...so schnäll isch er scho unterwägs gsi :-) käs wunder mit so zwei super Lehrerinnä!!